भारत की संस्कृति के लिए... भाषा की उन्नति के लिए... साहित्य के प्रसार के लिए
तूं जे चाहीं, पुछण वरी अचिजंइ! / अर्जुन हासिद
Kavita Kosh से
तूं जे चाहीं, पुछण वरी अचिजंइ!
मनु ॾुखोयलु ॾिसण वरी अचिजंइ!
के घड़ियूं ॻौरी लॻंदी ख़ामोशी,
द र दरियुनि सां मिलण वरी अचिजंइ!
टहक पर्दनि जा, फ़र्श जी भुणि-भुणि,
बेवसीअ खे छुहण वरी अचिजंइ!
शाम, हीउ धुंधु, हीअ फ़िज़ा मोॻी,
बस रुॻो सुधि लहण वरी अचिजंइ!
दर खुलियल खे बि हथ सां खड़काए,
भलि तूं धारियो लॻण वरी अचिजंइ!
कंहिं ग़मीअ या ख़ुशीअ जे मौके़ ते,
मानु मुंहिंजो रखण वरी अचिजंइ!
अॼु बि हासिद अङण में कूंडी हिक,
उन मां हिकु गुल छिनण वरी अचिजंइ!
