भारत की संस्कृति के लिए... भाषा की उन्नति के लिए... साहित्य के प्रसार के लिए
तैहा खेत जा / देवनारायण शर्मा
Kavita Kosh से
खेती किसानी तोर करम ये तोर नसीव ये बेटा
चल धार ले नांगर रे, तैहा खेत जा।
झगरा के बंजर भुइंया में, सुनता के धान उगावे।
रास्ता के कांटा ला वीन के, मया के फूल लगावे॥
तै माया के बादर रे, तैहा खेत जा।
दुनिया के सेवा करवे तै, देश के लाज बचवे।
खून पसीना तैहा बोल के, सब ला अन्न खवावे ॥
तोर हिरदे सागर रे, तैहा खेत जा।
दुनिया हा मुंह जोहत हे, धार ले नांगर तुतारी।
सोना जइसे धा लगा ले, तै भुइंया के पुजारी॥
नई थकय ये जांगर रे, तैहा खेत जा।
