तोंय नै अहियोॅ / अशोक शुभदर्शी

तोंय नै अहियोॅ कहियोॅ हमरोॅ घोॅर
नै छौं हमरा लग
कोनोॅ जगह
तोरा ठहराय लायक

तोंय परेशान होय जैभोॅ
हमरा घरोॅ में
समावेॅ नै पारतौं तोरोॅ सौंदर्य
हमरोॅ घरोॅ के चीजोॅ में
तहंू अपनाय नै सकभौ
नै ई सब बेढब चीजें
अपनाय सकतौं तोरा
चाही केॅ भी
ई सब चीज शरमाय जैतोॅ तोरा देखी केॅ
आरोॅ तोहूँ

नै तोय जंचभोॅ हमरा घरोॅ में
नै हमरोॅ घरोॅ केॅ चीज जंचतौं तोरा

अच्छा होतौं
दूर रहोॅ
हम्में तोंय/दूनोॅ
एक-दोसरा सें ।