भारत की संस्कृति के लिए... भाषा की उन्नति के लिए... साहित्य के प्रसार के लिए

तोटौ / चंद्रप्रकाश देवल

Kavita Kosh से
यहाँ जाएँ: भ्रमण, खोज

कुवाड़ी, पैड़ा अर अगन री खोज सूं ई पैली
कदैई ही
हेत री बोळाई ही
जंबू दीप में

लोग झेल लेवता गाडा-भर भाटां री मार
डूब जाता दरिया में, व्है जाता संगसार
समाज री कळझळ ब्रथा ही
इण इळा माथै आय
प्रीत करण री प्रथा ही

म्हैं खोड़़पगौ जलम्यौ
अैड़ौ लखावै
म्हनै प्रीत आं दिनां निजर नीं आवै।