तोसां गॾिजी हलणु किथे ईंदो! / अर्जुन हासिद

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन हासिद » मोॻो »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तोसां गॾिजी हलणु किथे ईंदो!
तुंहिंजो साथी बणणु किथे ईंदो!

तुंहिंजी नामूस हरको ॼाणे थो,
तुंहिंजे साम्हूं पवणु किथे ईंदो!

तुंहिंजी ख़शबू खां हटकां-हॿकां थो,
तुंहिंजी भरि में विहणु किथे ईंदो!

तूं हिते या हुते, किथे हूंदें,
तोखे ॻोल्हे लहणु किथे ईंदो!

पंहिंजे पुछ जो लुॾणु ॾिठो आ मूं,
हाणि कंहिं ते खिलणु किथे ईंदो!

ज़िक्र पंहिंजे खे, ॻाल्हि तुंहिंजीअ खे,
शांत मन सां ॿुधणु किथे ईंदो!

ज़ेहन जे हेॾे शोर में हासिद,
तोखे वाको करणु किथे ईंदो!