भारत की संस्कृति के लिए... भाषा की उन्नति के लिए... साहित्य के प्रसार के लिए
तोहरे लेॅ रखलेॅ छेलाँ भाव केॅ जोगारी केॅ / अमरेन्द्र
Kavita Kosh से
तोहरे लेॅ रखलेॅ छेलाँ भाव केॅ जोगारी केॅ
ऐला तेॅ रक्खी देलौ ओकरै ही बोहारी केॅ
फूल देखोॅ तोहें गंधो केॅ भरोॅ साँसोॅ में
रोॅस चाखोॅ नै तोहे पंखुरी मोचारी केॅ
मंत्री ऐतात अभी महिना भरी देरी छै
कोठी रखलोॅ गेलोॅ छै कल्हे सें अजबारी केॅ
आँधी पानी रोॅ बड़ी जोर अबकी लागै छै
राखी ला अभिये सें छपरी केॅ तौहें छारी केॅ
कुर्सी पावी केॅ तोहें मोॅन हमरोॅ जारोॅ नै
कुर्सी देलेॅ छियौं ई देह आपनोॅ जारी केॅ
ओॅन जैतै विदेश सबटा केकरो राहत लेॅ
खेत देखै छै कोय्यो आरो कोय खमारी केॅ
हम्में आतंकवादी छोड़बै पकड़लोॅ सबटा
देखियै देश केना रक्खै छै सम्हारी केॅ
केना बचतै कहोॅ अमरेन्द्र कबूतर हमरोॅ
कोय बाजोॅ केॅ रखै, पोसै कोय शिकारी केॅ
-20.8.91
