तोहरे संग होरिया खेलभोॅ हे भौजी / मनोज कुमार ‘राही’

तोहरे संग होरिया खेलभोॅ हे भौजी,
चाहेॅ जोॅ गरिया तोहें दीहोॅ हे भौजी।
तोहरे संग

तोहूँ पकड़िहो, हमहूँ पकड़बै
प्रेम से रंगवा लगैइबौं हे भौजी,
तोहरे संग

तोहूँ भागिहोॅ, हमहूँ भागबै,
भागमभागी में होरिया खेलबै हे भौजी
तोहरे संग

तोहरो भींगतौं रेशमा के चोलिया,
हमरोॅ भींगतै अंगिया हे भौजी।।
तोहरे संग

गलवा में तोहरा शौभै लाल रंगवा
अंगअंग रगवा लगैइभौं हे भौजी।।
तोहरे संग होरिया