भारत की संस्कृति के लिए... भाषा की उन्नति के लिए... साहित्य के प्रसार के लिए
दर्शन देॅ गुरुदेॅव आय हमरोॅ / रामधारी सिंह 'काव्यतीर्थ'
Kavita Kosh से
दर्शन देॅ गुरुदेॅव आय हमरोॅ अँखिया पियासी छै
गुरु देवन के देव आय हमरोॅ अँखिया पियासी छै
बहुत दिनोॅ सें आस लगैने हम्में तोरा दर पै छौं
कैन्हें देर लगैल्हेॅ प्रभु हमरोॅ अँखिया पियासी छै
सब तीरथ केॅ छोड़ि-छाड़ी हमेॅ शरण तोरोॅ लेने छी
दयानिधि तोंय दया करोॅ हमरोॅ अँखिया पियासी छै
बरमाह तोंही विसनु तोंही औघड़दानी तोंही छोॅ
परम बरहम साक्षात गुरू हमरोॅ अँखिया पियासी छै
तोरोॅ चरण कमल सिर राखी अब नै छोड़तै ‘राम’
होय तमन्ना पूरा आया हमरोॅ अँखिया पियासी छै।
