दांतन और कलेवा का गीत / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

उठो म्हारा बालक बन्ना करो न दांतणिया सोना री झारी।
बन्ना केला को दांतन झसड़ा दांतणियां,
थारां दादाजी करावे, थारी दादी रे मन भावे।
उठो म्हारां बालक बन्ना, करो न कलेवो फीणी रो ताजा,
बन्ना कुरकुरा खाजा, इसड़ो कलेवा थारा ताऊजी करावे,
थारी ताई रे मन भावे।
उठो म्हारा बालक बन्ना, करो न जिमणियो, लाडू तो पेड़ा सरस जलेबी,
इसड़ो जिमणियो थारां पापाजी करावे, थारां बीरां जी करावे
थारी मम्मी रे मन भावे, थारी भाभी रे मन भावे।
उठो म्हारा बालक बन्ना, चाबो न पान सुपारी,
पान से बिड़ालो थारां जीजी जी करावे, थारी भूवा बहना रे मन भावे।