Last modified on 11 जून 2016, at 01:30

दादी, दादी दादी दे / मधुसूदन साहा

दादी, दादी, दादी दे
पीठी पर तों लादी दे।

बस्ता रोजे बढ़ले जाय
ऊपरे-ऊपर चढ़ले जाय
नैका-नैका पोथी सब
बच्चा सिनी पढ़ले जाय

देभैं पैंट पुरनका तेॅ
कुर्त्ता उज्जर खादी दे।

फुर्ती जरा देखैलोॅ कर
पहिनें जरा नहैलोॅ कर
मम्मी-डैडी बीजी छै
तोंही जरा पढ़ैलोॅ कर

सर्दी-खोंखी रोकै लेॅ
घी में भुनलोॅ आदी के।

दादी, दादी, दादी दे
पीठी पर तों लादी दे।