भारत की संस्कृति के लिए... भाषा की उन्नति के लिए... साहित्य के प्रसार के लिए

दिल्ली जे सब गेलै हो भैया/ अनिरुद्ध प्रसाद विमल

Kavita Kosh से
यहाँ जाएँ: भ्रमण, खोज

दिल्ली जे सब गेलै हो भैया, ऐलै न घुरियो फेरु रे जान ।
जान भूलिये रे गेलै, देलोॅ वादा-किरियो सब्भे रे जान ।।

छुछ्छे भाषण बांचै हो भैया, छुटलै देशोॅ के सेवा रे जान ।
जान बिसरी रे गेलै, गाँधी जी रोॅ देखलोॅ सपना रे जान ।।

जोॅर-जमीन सें नाता टुटलै, सरंगे उड़ै सेवका रे जान ।
जान बदली रे गेलै, सेवा केरोॅ सब दरसनमो रे जान ।।

सुनें, सुनें, सुनें हो भैया, गलती हमरौ-तोरौ में रे जान ।
जान जनतोॅ रे गलती, जीतै ठगि हमरा रे जान ।।

जाति-धरम हित झगड़ै हो भैया, झगड़ै भाषा लेली रे जान ।
जान भगता रे सपना, मांटी-मांटी मिली कानै रे जान ।।