भारत की संस्कृति के लिए... भाषा की उन्नति के लिए... साहित्य के प्रसार के लिए
दीरा के वसिंदा / त्रिलोकीनाथ दिवाकर
Kavita Kosh से
हम्में दीरा के बसिंदा
नै तोंय करो शर्मिंदा
काम करै छी चुनिंदा
हमरो करो नै तों निंदा,
हम्में दीरा के बसिंदा।
खेतो में रहै हरियाली
झूमै गहूँमोॅ के बाली
ककड़ी फरै छै धतिंगा
वै पे नाचै छै फतिंगा,
हम्में दीरा के बसिंदा
उपजै यै माँटी में सोना
भरलो अन्नो से कोना-कोना
बगलो में बहै कोशी गंगा
नहाय के होय छै सब्भे चंगा,
हम्में दीरा के बसिंदा।
हम्में यै दीरा के लाल
ठोकी के बोलै छी ताल
काम नै छै हमरो गंदा,
हम्में छी दिलो के जिन्दा
हम्में दीरा के बसिंदा।
