भारत की संस्कृति के लिए... भाषा की उन्नति के लिए... साहित्य के प्रसार के लिए
दुख मैं बीतैं जिन्दगी न्यूं दिन रात दुखिया की / लखमीचंद
Kavita Kosh से
दुख मैं बीतैं जिन्दगी न्यूं दिन रात दुखिया की
के बूझैगी रहणदयो बस बात दुखिया की
के बूझो छाती मैं घा सै बोलतेए हिरदा पाट्या जा सै
और दूसरा नां सै दुख मैं साथ दुखिया की
मेरा ना किसे चीज मैं मोह सै, कुछ भी नहीं जिगर मैं धो सै
टोटे में के इज्जत हो सै, के जात दुखिया की
या होणी अपणे बळ हो सै, बात मैं सब तरियां छळ हो सै
दुख मैं निष्फल हो सै, जो करामात दुखिया की
‘लखमीचन्द’ कहै बेदन जगी, मैं धोखें मैं गई थी ठगी
थारे संग कैसे होण लगी मुलाकात दुखिया की
