भारत की संस्कृति के लिए... भाषा की उन्नति के लिए... साहित्य के प्रसार के लिए
दुनिया सुहानी रात सजलोॅ छै सेजोॅ जेकां / अनिल शंकर झा
Kavita Kosh से
दुनिया सुहानी रात सजलोॅ छै सेजोॅ जेकां,
एक पर एक फूल, रूप-गुण खान छै।
एक-एक क्षण एक प्रेयसी समान लागै,
अमृत-कलश लेनें सोन अधरान छै।
आदमी के पोर-पोर प्यासलोॅ युगोॅ सें आरो,
पीयै लेॅ सिसोही केॅ ऊ अकुलैलोॅ प्राण छै।
लेकिन ठोरोॅ सें ठोर मिलना मुहाल लागै,
बाहरोॅ आ भीतरोॅ सें जड़ता के मान छै।
कतना युगोॅ सें रोज अधरोॅ के अमरित,
पील्हौ पर प्यास आरो बढ़लै निरंतर।
कल्पवृक्ष ठीयां ठौर राखल्ही पेॅ प्यासले छी,
भोगै के ई भावना छै कैहनोॅ चिरंतर
रोजे-रोज फूल रूप, रंग गंध लेनें आबै,
रोजे-रोज भोगल्हौ पेॅ लालसा प्रखरतर।
कौनें धूप-छाँव के ई खेल खेलै सकुनी ना,
केकरा कारण काँपै द्रोपदी के अंतर।
