देखत रह गए ताल-तलैया भैंस पसर गई दगरे में / नवीन सी. चतुर्वेदी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

नवीन सी. चतुर्वेदी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

देखत रह गए ताल-तलैया भैंस पसर गई दगरे में।
गरमी झेल न पाई भैया भैंस पसर गई दगरे में॥

बीस बखत बोल्यौ हो तो सूँ दानौ पानी कम न परै।
अब का कर्तु ए हैया-हैया भैंस पसर गई दगरे में॥

ऐसी-बैसी चीज समझ मत जे तौ है सरकार की सास।
जैसें ई देखे नकद रुपैया भैंस पसर गई दगरे में॥

कारी मौटी धमधूसर सी नार थिरकबे कूँ निकरी।
नाचत-नाचत ता-ता थैया भैंस पसर गई दगरे में॥

खान-पान के असर कूँ देखौ जैसें ई कीचम-कीच भई।
पड़-पड़ भज गई गैया-मैया, भैंस पसर गई दगरे में॥