भारत की संस्कृति के लिए... भाषा की उन्नति के लिए... साहित्य के प्रसार के लिए
देखलीं जे बइठि के दरिया किनारे/ मनोज भावुक
Kavita Kosh से
देखलीं जे बइठि के दरिया किनारे
डूबके देखला प लागल भिन्न, यारे
घर के कीमत का हवे, ऊहे बताई
जे रहत फुटपाथ पर लँगटे-उघारे
ना परे मन घर कबो बबुआ के भलहीं
रोज बुढ़िया भोर में कउवा उचारे
बस कहे के हम आ ऊ साथ रहीले
साथ का, जब पड़ गइल मन में दरारे
ख्वाब में भी हम कबो सोचले ना होखब
वक्त ले जाई कबो ओहू दुआरे
