देश / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » अर्को साँझ पर्खेर साँझमा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आज सखारै
मिर्मिरेमा
एउटी बुढी आमा
लौरोको ट्याकट्याक टुकटुकसँगै
मेरी आँगनमा आइन्,

उँधो–उँभो
केही खोजेजस्तै गरेर हेरिरहिन् धेरैबेर,

हिउँले छोपेको
कुनै टाकुराझैं शिर
र नाम्लोको फेटा
निधारमा,

ढाडमा – मानौ नाबालक डोको
खुम्चिएको सिरकको खोलजस्तै अनुहार,
अँध्यारा गुफाझैं निस्तेज आँखा
र कान्तिविहीन
उदास–उदास आकृति र दुब्लो शरीर,
हेर्दै पूर्व क्षितिज
र हिँड्दै लाठीको सहाराले
भनिन् आमाले – “साह्रै कमजोर छु बाबु ! वर्षौंदेखि खोज्दैछु
बुढेसकालका सहारा छोराहरू !!”