देस सदिके़ / हूँदराज दुखायल
तर्ज: हर इक हिन्दी नूं फ़रहाद बना दे, बना दे, बना दे।
थल्हु: धारी ऐं हिन्दी! का सरकार न घुरिजे, न घुरिजे, न घुरिजे
थे मुल्क मथां ही आज़ारु न घुरिजे, न घुरिजे, न घुरिजे
शइरु: ॼमियो आहीं अवसि मरंदे, मगर मरु शेरु नरु बणिजी,
बहादुरु सूरमो बणिजी, न मरु गीदी ॻिदरु बणजी,
कंझी, कुर्की किनो थी छो मरीं थो मुफ्त मर्ज़नि में,
अची मरु देस जे सदिक़े सुपात्र एंे सुन्दर बणिजी।
हिनखां वधि सुहिणो ॿियो सींगारु न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
शइरु: जिते परतापु, शेवाजी, गुरू गोबिन्दु पैदा थियो,
उते तूं कीअं रही सघंदें निमाणो ऐं निधरु बणिजी,
कते वठु चाह मां चरखो, वडीअ सिक, शौक श्रद्धा मां,
कंदो ही ऐटु आज़ादी, सुदर्शन जो चकरु बणिजी,
ऐट बिना ॿियो को आधारु न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
शइरु: जडरुहिं ज़ालूं बि थी ज़ाहिर पयूं मैदान में काहे,
तॾहिं तोखे न वाजिब आ, रहणु बेदिल पत्थरु बणिजी,
हिन्दुस्तानी ॾिसी हीणा मटिया मुर्दार घुरि वारा,
बुधी चर्चल संदा चर्चा न रहु मोॻो मटरु बणिजी,
अहिड़ो मंदो ही मुर्दार न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
शइरु: लठियुनि, लोढ़ियुनि, बन्दूकुनि सां वतनि वतनी भले फटिबा
त भी बेगै़रती थी रहु न तूं सरकारी नफरु बणिजी,
रहियासूं ॾढ सौ सालनि खां जो कमज़ोर कांयर थी,
सज़ा तिनि जे मंथा आई, गुलामीअ जो क़हरु बणिजी,
अहिड़ो गंदो सिर ते बारु न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
शहइरु: ग़ुलामनि खे शरीअत में न हजु वाजिब मुसलमानो!
रहे इस्लाम में आज़ादगी शम्सो क़मर बणिजी।
पुॼायो ज़ेरे खंजर भी अव्हां पैग़ामे आज़ादी,
गुलामीअ साणु इस्लामी रहे कींअं हम सफर बणिजी।
तौक ग़ुलामी ज़नहार न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
शइरु: झुकाए ‘जी हजूरीअ’ में कयोसीं कंधु जे उबतो,
त पवंदी खोपराटी थी पिनण वारो कंगरु बणिजी।
‘दुखायल’ जे हथां ही वियो, पिटींदासीं हशरु बणिजी।
अहिड़ो बेशरमु पेनार न घुरिजे, न घुरिजे, न घुरिजे
धारी ऐं हिन्दी! का सरकार न घुरिजे, न घुरिजे, न घुरिजे
