धरती के छाती फाटै काँपै छै लोर गे / राजकुमार

धरती के छाती फाटै काँपै छै लोर गे
मटमैलोॅ अंचरा मांगै सुरजोॅ से भोर गे

आसलॉे तबासलोॅ सुखलोॅ टूसा रं ठोर गे
मरूवैलोॅ पत्ता-पत्ता, टुटलोॅ छै डोर गे

कांटा रं रौदा-रौदा, लहकै छै टोर गे
उधियैलोॅ हावा-हावा, तोड़ै पीर-पोर गे

मुरझैलो बॅसुरी, बगिया, लंहगा-पटोर गे
झुरमैलॉ क्यारी-क्यारी, चिरईं के शोर गे

ममता लोरैली मांगै, कुसुमी ईंजोर गे
चुनमुन चिरैया चहकै, ललियैलोॅ कोर गे