भारत की संस्कृति के लिए... भाषा की उन्नति के लिए... साहित्य के प्रसार के लिए
धान का गीत / 1 / राजस्थानी
Kavita Kosh से
राजस्थानी लोकगीत ♦ रचनाकार: अज्ञात
मूँग कहे म्हारो सुणो विचार सब धाना में मैं सिरदार।
म्हारी छै जी हरी दाल भांत-2 का बणसी माल।
जौ कहे म्हारो सुणो विचार सब धाना में मैं सिरदार।
म्हारी कहीजे तीखी अणी मने खावे धीणा का धणी।
चणों कहे म्हारो सुणो विचार सब धाना में मैं सिरदार।
म्हारी छै जी पीली दाल तीवण होसी जी तीस बत्तीस।
बाजरो कहे म्हारो सुणो विचार सब धाना में मैं सिरदार।
म्हारो छै मोटोड़ो पेट दो मूसल सू मैं र लाडू।
गेहूं कहे म्हारो सुणो विचार सब धाना में मैं सिरदार।
म्हारी छै जी गेहुआं री लोय मने खावे नगरी रो सेठ।
