धोका दियौ तिमीले / बुद्धवीर लामा

धोका दियौ तिमीले कलेजोमा घाउ लाग्यो
बिछोडको गोलीले बदनामको दाग लाग्यो
बसुँ आफ्नै घर छैन जाऊँ घुम्ने ठाउँ छैन
मरुभूमि जिन्दगीमा तिम्रो न्यानो साथ छैन
आँसु दियौ तिमीले मुटुभित्र चोट लाग्यो
बिछोडको गोलीले बदनामको दाग लाग्यो
निर्दौष माया खै किन आज बैरी भएछ
विश्वासघातको कारणले आत्मा रोइरहेछ
पीर दियौ तिमीले मनभित्र रोग लाग्यो
बिछोडको गोलीले बदनामको दाग लाग्यो