भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

नजरमा तिमी छाइराख्यौ / ज्ञानुवाकर पौडेल

Kavita Kosh से
यहाँ जाएँ: भ्रमण, खोज

नजरमा तिमी छाइराख्यौ
याद खूप आइराख्यौ ।

सुनिनौ कैले यो दिलको पुकार
दुनियाँको कुरा पत्याइराख्यौ ।

देखेर पनि मलाई नचिन्ने
चस्मा कस्तो लगाइराख्यौ ?

सँगालेर अरू कसैको सपना
दिलमा मेरो उदाइ राख्यौ ।

ठानेथेँ तिम्लाई जीवन साथी
थाङ्नामा पो सुताइराख्यौ

माग्दा हिसाब मेरो बैँसको
कुरा किन चपाइराख्यौ ?

सुनाएर मलाई मेरै गजल
दिवाना खूब बनाइराख्यौ ।