भारत की संस्कृति के लिए... भाषा की उन्नति के लिए... साहित्य के प्रसार के लिए
नदी रोॅ किंछा / अशोक शुभदर्शी
Kavita Kosh से
हम्में समृद्ध करलेॅ छियै
आपनोॅ किनारा में बसलोॅ गाँव केॅ
आरोॅ गाँव के लोगोॅ केॅ
हुनकोॅ खेतोॅ केॅ पटावै छियै
घरोॅ केॅ अनाजोॅ सें भरै छियै
पूछोॅ हुनका सीनी सें
हम्में खरा उतरलोॅ छियै कि नै
हुनका सिनी केॅ किंछा पर
हुनका कहाँ मिललै
हमरोॅ सोतोॅ केॅ मिट्ठोॅ पानी सें जादा
मिट्ठोॅ पानी ?
