भारत की संस्कृति के लिए... भाषा की उन्नति के लिए... साहित्य के प्रसार के लिए
नमिल्दा इच्छाहरू / शशि भण्डारी
Kavita Kosh से
— तातो सूर्य
दिनलाई सजाउँछ
आफै शीतलता खोजिहिँड्छ ।
— रुग्ण चन्द्रमा
अँध्यारोमा झुल्कन्छ
आफै रातको वशमा पर्छ।
— शुष्क पानी
आफै तिर्खा मेटाउन खोज्छ
प्यास सम्झी रुने गर्छ।
— निर्मोही सपना
आँखालाई बहिष्कार गर्छ
आफै साँझ कुरिरहन्छ ।
— नमिल्दा इच्छाहरू
— प्रकाशबाट छाया छुटाउँदै
— दिनबाट राप खोस्दै
— रातबाट धार निचोर्दै
मेघलाई उल्र्याउँछन्
पानीलाई वेगविहीन बनाउँछन्
सपनालाई पनि अस्वीकार गर्छन्।
