भारत की संस्कृति के लिए... भाषा की उन्नति के लिए... साहित्य के प्रसार के लिए
नयनवाँ से लोर झरे / जयशंकर प्रसाद द्विवेदी
Kavita Kosh से
हिया बेंधेले संवरिया के बाति
नयनवाँ से लोर झरे॥
जागल जबसे बा पहिली पिरितिया
रहि-रहि उभरेले सँवरी सुरतिया
मोहें निदिया न आई भर राति
नयनवाँ से लोर झरे॥
रहिया निरेखी बीतल दुपहरिया
मन मुरुझाई जाय लखते दुवरिया
बुला आई जाँय रतिओ-बिराती
नयनवाँ से लोर झरे॥
हुन टुन ननदी के गभिया सुनाला
मुसुकी से ओकरा बोखार चढ़ि जाला
उहो डाहेले सवतिया के भाँति
नयनवाँ से लोर झरे॥
हिया बेंधेले संवरिया के बाति
नयनवाँ से लोर झरे॥
