नया बाटा कु बटोई / सुन्दर नौटियाल
तू नया बाटा पर चलण लग्यूं, चल्दू रा, चल्दू रा-2
तेरा बाटा मा पग-पग पर ठोकर, संभल्दू जा, संभल्दू जा
तू नया बाटा पर ........................।
ये बाटा मा धौण तू नीसी रखी
ये बाटा मा धौण तू नीसी रखी
अर कान रखी दुया खूला ।
भटकौण मा त्वै दुनियां लगीं राली,
भटके न जै कखी भूला ।
भटके न जै कखी भूला ।।
जू साथ छयां वौं साथ रखी
जू साथ छयां वौं साथ रखी, जू साथ नि छैं भुल्दू जा ।
तू नया बाटा पर ........................।
नया बाटा कू साथी नि होंदु क्वी
नया बाटा कू साथी नि होंदु क्वी,
होन्दु न अगाड़ी-पिछाड़ी ।
ये बाटा मा गारा-भगरा होंदा,
कांडा, झक्खड़, झाड़ी ।
होंदा कांडा, झक्खड़, झाड़ी ।।
तू विश्वासे की थमळी बणैं.......
तू विश्वासे की थमळी बणैं, यौं झक्खड़-झाड़ी उलोन्दु जा
तू नया बाटा पर ........................।
आज जू तेरी हिकमत अजमाणा
आज जु तेरी हिकमत अजमाणा,
जाण्यां-माण्यां, थुनी-मुनी लोग ।
भोळ हि तेरी ंिडंड्याळी होला,
सिखणा नयु जंत-जोग ।
सिखणा नयु जंत जोग ।।
तू आस की जोत न बुझण दे
आस की जोत न बुझण दे, चाहे बरखा-बत्वाणी चल्दू रा
तू नया बाटा पर .........।
आज जु समझणु नी चैंदा
आज जु समझणु नी चैंदा,
तेरी बात तेरा बिचार ।
तेरा साथ नि क्वै त गम ना कर
वोतेरा पिछनै होला हजार ।
तेरा पिछनै होला हजार ।।
मेनत ल्याली रंग तेरी .......।
मेनत ल्याली रंग तेरी, तू प्रण अपड़ू समल्दु जा ।
तू नया बाटा पर चलण लग्यूं, चल्दू रा, चल्दू रा-2
तेरा बाटा मा पग-पग पर ठोकर, संभल्दू जा, संभल्दू जा
तू नया बाटा पर ........................।
