भारत की संस्कृति के लिए... भाषा की उन्नति के लिए... साहित्य के प्रसार के लिए
नया साल / राधेश्याम चौधरी
Kavita Kosh से
नया साल लानतै, खुशी अपार
सपना सबरोॅ हुवेॅ सकार।
सबरोॅ मनोकामना पुरा हुवेॅ
आपनोॅ लोगोॅ सेॅ जबेॅ होतैं दिदार।
भूखला केॅ रोटी, पियासला केॅ पानी
सबकेॅ मिलेॅ रोजी-रोजगार।
नया साल लानतै खुशी अपार
सपना सबरोॅ हुबेॅ सकार।
घरोॅ-घरोॅ मेॅ ज्ञान रोॅ दीया जरतैं,
दुर भागी जैतैं अन्हार।
देश छेकै आपनोॅ सोना रोॅ चिड़ियाँ,
छै खनीज-सम्पदा रोॅ अकूत भंडार।
आबोॅ मिली केॅ नया साल मनावोॅ,
नया साल मेॅ कामना करै छी।
सुखमय होतै घोॅर परिवार,
नया साल लानतें खुशी अपार।
