भारत की संस्कृति के लिए... भाषा की उन्नति के लिए... साहित्य के प्रसार के लिए
नवल किसोरी भोरी केसर ते गोरी / सेनापति
Kavita Kosh से
नवल किसोरी भोरी केसर ते गोरी, छैल-
होरी में रही है मद जोबन के छकि कै ।
चंपे कैसौ ओज, अति उन्नत उरोज पीन,
जाके बोझ खीन कटि जाति है लचकि कै ॥
लाल है चलायौ, ललचाइ ललना कों देखि,
उघरारौ उर, उरबसी ओर तकि कै ।
’सेनापति’ सोभा कौ समूह कैसे कह्यौ जात,
रह्यौ हौ गुलाल अनुराग सों झलकि कै ॥
