भारत की संस्कृति के लिए... भाषा की उन्नति के लिए... साहित्य के प्रसार के लिए
नाउं पंहिंजो ॻिन्हणु सिखी वठंदुसि! / अर्जुन हासिद
Kavita Kosh से
नाउं पंहिंजो ॻिन्हणु सिखी वठंदुसि!
वर्ना कंहिं खां खणी पुछी वठंदुसि!
हिन ज़माने में कंहिंखे छा थो अचे,
सूझि ऐं ॿूझि मां ॻिन्ही वठंदुसि!
बस क़लम खे झलण जो ढंग सिखां,
शान कंहिंजे में कुझ लिखी वठंदुसि!
तो थे जंहिं आबरूअ जी ॻाल्हि कई,
मेड़ मज्लिस मां, सा वञी वठंदुसि!
जिस्म में ॻरु बि रसु बि थींदी आ,
छुहंदे, का आत्मा छुही वठंदुसि!
तुंहिंजी सुहबत में हूंअ मज़ो हासिद,
तुंहिंजी चौ-चौ, उहा ॿुधी वठंदुसि!
