भारत की संस्कृति के लिए... भाषा की उन्नति के लिए... साहित्य के प्रसार के लिए
नाहीं भवा जौन सोचे / बोली बानी / जगदीश पीयूष
Kavita Kosh से
नाहीं भवा जौन सोचे
चारिव ओरी लोगा नोचे
जिनगी होइगै जैसे भुजवा कै भरार माई जी
होये केत्ती देरी बाद भिनसार माई जी
आपन आपन होइगै बात
सबका स्वारथ अहै पिरात
चोरए लइगे लेई पूंजी सबै झार माई जी
होये केत्ती देरी बाद भिनसार माई जी
धोखा धोखी होइगै चाल
नाहीं बाटै तबौ मलाल
मारैं व्यंग-बान होय आर पार माई जी
होये केत्ती देरी बाद भिनसार माई जी
बड़ा बड़ा नाव बा
सड़कै लाग गांव बा
रस्ता काटै ठांव ठांव पै बिलार माई जी
होये केत्ती देरी बाद भिनसार माई जी
