भारत की संस्कृति के लिए... भाषा की उन्नति के लिए... साहित्य के प्रसार के लिए
निभाइणु ई घुरिजे / लक्ष्मण पुरूस्वानी
Kavita Kosh से
इन्सानियत सां-निभाइण ई घुरिजे
ऐं हैवानियत खे-हटाइण ई घुरिजे
बणिजी न वहिशी-कजे जुल्म कंहि सां
रुअन्दे खे वेतर-खिलाइण ई घुरिजे
किरियल खे दिसूं-जे दया धर्म धारे
उथारे गले सां-लॻाइण ई घुरिजे
जीऊं पाण लाइ था-ॿियनि लाइ बि सोचूं
शेवा में तन मन-लॻाइण ई घुरिजे
नफ़रत जी नाहे-दुनियां खे ज़रूरत
जिते आग दिसिजे-विसाइण ई घुरिजे
इन्सान सभई-त इन्सान आहिनि
परावनि खे पहिंजो-बणाइण ई घुरिजे
विथियूं वेर वीछा-कहिंसां न रखिजनि
अदावत हुजे का-भुलाइण ई घुरिजे
जिन्दगी आ प्यारी-खुद खे ॿियनि खे
इहो राजु ‘लक्षमण’ हंडाइणु ई घुरिजे!
