भारत की संस्कृति के लिए... भाषा की उन्नति के लिए... साहित्य के प्रसार के लिए
निर्दोष छु आफू / दिनेश अधिकारी
Kavita Kosh से
निर्दोष छु आफू भन्ने देखाउन उसै दोष तिमी नदेऊ मलाई
घोची नराख बेहोसीबाट जागा गराई फेरि मलाई
तौलिने वस्तु होइन माया गल्ती भो भन्दै दोहोरो गन्न
छुटेको वस्तु होइन विश्वास खोजेर फेरि भेटिन्छ भन्न
सोध्नेको लागि जबाफ नहुँदा टिपेर ढुङ्गा नहान मलाई
घोची नराख बेहोसीबाट जागा गराई फेरि मलाई !
किनेको सुख बेचिन सक्छ, आर्जेको दुःख जाँदैन धोई
चाहियो भन्दै पाइन्न तातो बाटोका ढुङ्गा पुसमा छोई
लाजले शिर नुहिँदा तिम्रो निर्लज्ज भन्न छोड मलाई
घोची नराख बेहोसीबाट जागा गराई फेरि मलाई
