भारत की संस्कृति के लिए... भाषा की उन्नति के लिए... साहित्य के प्रसार के लिए
नोरतां दर नोरतां / सुरेन्द्र डी सोनी
Kavita Kosh से
बरत, भोग
नारेल, ज्योत, आरती, धोक...
सो कीं लै
पण माई
महर राखीजै
छोरियां देवै
तो पाड़ोसियां नैं दीजै
अर दीजै सगा-समधियां नैं
नीं तो आयला-भायलां नैं
जोड़ै स्यूं करै अरदास
तेरो ही एक दास
देख लै माई
जे चावै तेरी हाजरी
नोरतां दर नोरतां
तो महर राखीजै...
अर माई ...?
थिर
बियां री बियां
जियां आज ताणी रैंवती आई है।
