थल्ह:
पिरनु तंहिंजो करियां ही सिर्फ सिर बस कौम खिजम़त में
न घारणु तो सुखी ॼातो ॾिसी भाउनि खे गुर्बत में।
डिॼणु डेॼो रखी पासे बणाईनि शेर जवाननि खे,
तकियो तिनि खे रखी आणणु घुरीं इबरत इमारत में।
जवाहर! लाल सीने मां कढी सुहिणियुनि सलाहुनि जा,
झिी ॿलु निर्ॿलनि अंदरि, गॾियड् कुव्वत करामत में।
अची हर्गिज़ सघे तो शेर जे आॾो न कांयरता,
हटाए हीणता मां थो, बधीं तूं जवान जुर्रत में।
रहीं रहबर हमेशा थो जवाननि जे जथे जो तूं,
लॻाइण ज़ोर ज़र चाहीं भॻल भारत जे मरमत में।
अता कुदरत कई तोते नंढे खां ॾाति लासानी,
लकाई बेबहा तबीयत मिली कुदरत खां आदत में।
निरालो थो वॼे वाॼो संदइ नाले ऐं चालीअ जो,
हठीलनि खे बि हिम्मत सां विधो तो वीर हसरत में।
रिहाई देसु पाईंदो, संदइ आज़ाद खियालीअ खां,
वरी थींदो ‘‘दुखायल’’ देसु अॻूणी पंहिंजी अज़मत में।
(हिन शइर जे हरहिक सिट मां पहिर्यो अखरु कढी, उनहनि खे मिलाइबो त सॼो नालो ‘‘पंडित जवाहरलाल नहरू’’ थी पवंदो।)