पंडित मोतीलाल नेहरूअ जे बेवक्त मौत ते लिखियलु / हूँदराज दुखायल
तर्ज़: हाय हिते आराम नाहे तो सिवा, तुंहिंजो कसमु।
थल्ह: ग़म घटा जो आसमां ते वियो अची कारो लिबासु।
थी वसे ॻोढ़नि जी फुरि फुरि वियो मची माताम खासु॥
बाग़ भारत में छिॼी वियो शाह गुलु शौकत भरियो।
जंहिंजी खुश नामूस वारो वाअ अंदरि आहे वासु॥
हिन्दुवासियुनि जे जिगर ते ज़ख्मु ही गहिरो रसियो।
आहे मायूसी मंुहांडनि में ऐं हरिका दिल उदास॥
मौतु मोतीलाल नेहरूअ जो सुणूं कहिड़े कनें।
ऐं चऊं कहिड़अ जुबां सां थी वियो पंडित सुर्ॻवासु॥
कै़दखाने मां पिराए मर्जु मारु लाइलाज।
भेट कुर्बानीअ अॻियां सूर्ह्य धरे वियो सासु सासु॥
जंगे आज़ादीअ में अॻिरो आहे नेहरू खानदान।
देस लाइ जंहिं राॼ सुख त्याॻे कयो धारणु सन्यास॥
हिन्दुवासियुनि जो हो मुरबी, बाबो जवाहरलाल जो।
साॼो हथु गांधीअ संदो ऐं समुझ में सी आर दास॥
हाइ हिन नाजुक समे में घुर्ज तुंहिंजी हुई घणी।
ॾिसु दुखायल कहिड़ो कहिरी कालु आहे बेक़ियास॥
