पंहिंजी तलवार हलाइण जो शौंकु / एम. कमल

पंहिंजी तलवार हलाइण जो शौंकु।
सभ खे आ रंग रचाइण जो शौंकु॥

बुलबुलियुनि में कोई फूके वियो आ।
बाग़ खे बाहि लॻाइण जो शौंकु॥

जिस्म खे सर्द करे ई रखन्दुइ।
तिरीअ ते नांग नचाइण जो शौंकु॥

दिल खे वीरानी वियो आ बख़्शे।
हाइ ही शहर वसाइण जो शौंकु॥

किथि बलाउनि जे चढ़ी वरु न वञीं!
तो खे आ बीन वॼाइण जो शौंकु॥

दिल खे दाग़नि सां सजाए वेठुसि।
ज़िंदगीअ खे हो सजाइण जो शौंकु!