परथम गनेस पद बंदि के, कुसल मनावहु हे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

परथम गनेस पद बंदि के, कुसल मनावहु हे।
ललना, बिघन हरन गननायक, सोहर गावहु हे॥1॥
परथम मास जब बीतल<ref>बीत गया</ref>, दोसर नियरायल<ref>नजदीक आया</ref> हे।
ललना, तेसर मास जब आयल, चित फरियाल<ref>मिचली आना</ref> हे॥2॥
चउठा मास चढ़ि आयल, पचमा बितिये<ref>बीत गया</ref> गेल हे।
ललना, छठे मास निरायल, गरम जनायल<ref>मालूम पड़ने लगा</ref> हे॥3॥
सतमा मास जब आयल, अठमा नियरायल हे।
ललना, नवमा मास जब आयल, होरिला<ref>लड़का</ref> जलम<ref>जन्म</ref> भेल हे॥4॥
भादो के रइनी<ref>रात</ref> भेयामन,<ref>भयावनी</ref> बिजुली चमक उठे हे।
ललना, तेहि छन परगटे नंदलाल, महल उठे सोहर हे॥5॥
चन्नन लकड़ी कटायम<ref>कटवाऊँगी</ref>, मंगल गायम<ref>गाऊँगी</ref> हे।
ललना, अरबे<ref>अरब की संख्या में</ref> से दरबे<ref>द्रव्य</ref> लुटायम, सभ सुख पायम<ref>पाऊँगी</ref> हे॥6॥
सासु के देम<ref>दूँगी</ref> तीसी तेलवा, ननद केरा गड़ी<ref>नारियल</ref> तेल हे।
गोतनी के तेल-फुलेत, गोतिनियाँ के देल-लेल<ref>देना-लेना</ref> हे॥7॥
सासु के देम खटोलवा<ref>छोटी खाट</ref>, ननदी मचोला<ref>मचिया</ref> देम हे।
ललना, गोतनी के लाल पलँगिया, हमहुँ पइँचा<ref>पेंचा-हथफेर</ref> लेम<ref>लूँगी</ref> हे॥8॥
सासु के देम इयरि-पियरि<ref>पीले रंग में रंगे वस्त्र</ref> ननदिया के साड़ी देम हे।
ललना, गोतनी के लहँगा-पटोर<ref>गोटा-पाटा से जड़ा हुआ रेशमी लहँगा</ref>, हमहुँ कबहुँ<ref>कभी</ref> पइँचा लेम हे॥9॥

शब्दार्थ

<references/>