पलंग सुतल तोहे पियवा, और सिर साहेब हे / मगही
पलंग सुतल तोहे पियवा, और सिर साहेब हे।
पियवा बगिया तू एगो लगइत, टिकोरवा हम चिखती<ref>चखती</ref> हे॥1॥
पलंग सुतल तोंहे धानी, त सुनहऽ बचन मोरा हे।
धानी, तुहुँ एगो बेटवा बियतऽ सोहर हम सुनती हे॥2॥
एतना बचन जब सुनलन, सुनहु न पवलन हे।
धनि, सुतलन गोड़े-मुड़े<ref>पैर सिर</ref> तान सुतल गज ओबर हे॥3॥
मोर पिछुअरबा सोनार भइया, तोही मोरा हित बसे हे।
भइया, धनियाँ ला<ref>लिए, वास्ते</ref> गढ़ि देहु कँगना, धनि के पहिरायब हे॥4॥
काँख जाँति लिहले कँगनमा, त धनि के मनावल हे।
धनिया के जाँघ बइठावल, हिरदय लगावल हे॥5॥
धनि हे, छाँड़ि देहु मन के बिरोध, पहिर<ref>पहनो</ref> धनि काँगन हे॥6॥
एही कँगना रउरे माई पेन्हथ<ref>पहनें</ref> अउरी बहिन पेन्हथ हे।
पिया ओहे दिन सेजरिया के बात, करेजा मोरा सालए हे॥7॥
मारलहऽ ए पियवा, मारलहऽ तीखे कटरिया से हे।
पियवा रउरे बात साल हे करेजवा, कँगनमा कइसे पहिरी हे॥8॥
