भारत की संस्कृति के लिए... भाषा की उन्नति के लिए... साहित्य के प्रसार के लिए
पळपाळट करती रोसणी री चोट देखो / सांवर दइया
Kavita Kosh से
पळपाळट करती रोसणी री चोट देखो
चूंधा हुया लोग : खुलै कोनी होट देखो
डुसका भर मां री छाती रै चिपगी छोरी
हाथां में लियां थोड़ा-घणा ऐ नोट देखो
चाम-चासणी में डूबी है आ मन-माखी
ऊसी-बूसी लागै नुंवी अबोट देखो
भोर-सिंझ्या-रात सूवै साव नागी तडंग
कामी सूरज रै मनां जागै खोट देखो
तपतै धोरां खातर कुण छोड़ै आ बोलो
ऐ मखमली ढोलिया : गळागच रोट देखो
