पहुना आबै छौं / रूप रूप प्रतिरूप / सुमन सूरो

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन सूरो » रूप रूप प्रतिरूप »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

लौंगलती हे, जल्दी-जल्दी बदलोॅ आबेॅ भेस
पहुना आबै छौं!
बहुते जरल्हौं प्राण चैत में
अँखिया झरल्हौं सावन में
उजगी भेल्हौं रात-रात भर
चित बसल्हौं मन-भावन में
फूलवती हे, आबेॅ तोरोॅ बेचैनी सब शेष,
पहुना आबै छौं!
चन्दन शीतल देह लगाबोॅ
कजरा डारोॅ आँखी में
फूल-कली सें सेज सजाबोॅ
सोनजुही के झाँखी में
भगमन्ती हे, जल्दी-जल्दी बान्होॅ खोन्हा केस,
पहुना आबै छौं।
काँपै छौं सब अंग सम्हारोॅ
लपका पिपरोॅ पत्ता रं
लागै छौं घामोॅ सें भरलोॅ
मूँ मदमाछी छत्ता रं
कुलमन्ती हे, आय्ये भरी सम्हारोॅ ई आवेश
पहुना आबै छौं!