पांद पथारे भीख घुरां थो!
केॾो इअं अश्राफ़ लॻां थो!
मुंहिंजा चमचा कनि था झॻिड़ा,
मां त अहिंसा लाइ सिकां थो!
जलसा ऐं सन्मान हुजनि था,
फोटे में ॾिसु किअं मुश्कां थो!
हर कंहिं जो को पेशो आहे,
मां बि कंदुसि, जो करे सघां थो!
तूं बि हलियो अचु, मुंहिंजे पोयां,
हर कंहिं खे मां सुखियो रखां थो!
जेकी मुंहिंजी महिमा ॻाइनि,
तिनि जा ॾोह बि मां बख़्शां थो!
हासिद जिनि जी पूरण श्रद्धा,
तिनि खे मां वरदान ॾियां थो!