पाखु अंधियारु जब राह का खाइगा / सुशील सिद्धार्थ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुशील सिद्धार्थ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पाखु अंधियारु जब राह का खाइगा
एकु बौंड़रु हजारन जुलुम ढाइगा
तब गवाही किरन की दिहेन, औरु का!
हम दिया जइस जिन्दा रहेन, औरु का!!

बैरु की आगि मा जब जली जिन्दगी
झूठु की राह पकरे चली जिन्दगी
प्रीति का हाथु बढ़िकै गहेन, औरु का!!

उइ दुकानै खुलीं आतिमा बिकि रही
पाप कै लेखनी राति दिनु लिखि रही
बात ईमान की तब कहेन, औरु का!!

सरि गवा जौनु पानी जमा होइ गवा
बीज अपने मिटै कै खुदै बोइ गवा
याक नदिया तना हम बहेन, औरु का!!