पाण्डव जन्म / गढ़वाली लोक-गाथा
- अंगिका लोकगीत
- अवधी लोकगीत
- कन्नौजी लोकगीत
- कश्मीरी लोकगीत
- कोरकू लोकगीत
- कुमाँऊनी लोकगीत
- खड़ी बोली लोकगीत
- गढ़वाली लोकगीत
- गुजराती लोकगीत
- गोंड लोकगीत
- छत्तीसगढ़ी लोकगीत
- निमाड़ी लोकगीत
- पंजाबी लोकगीत
- पँवारी लोकगीत
- बघेली लोकगीत
- बाँगरू लोकगीत
- बांग्ला लोकगीत
- बुन्देली लोकगीत
- बैगा लोकगीत
- ब्रजभाषा लोकगीत
- भदावरी लोकगीत
- भील लोकगीत
- भोजपुरी लोकगीत
- मगही लोकगीत
- मराठी लोकगीत
- माड़िया लोकगीत
- मालवी लोकगीत
- मैथिली लोकगीत
- राजस्थानी लोकगीत
- संथाली लोकगीत
- संस्कृत लोकगीत
- हरियाणवी लोकगीत
- हिन्दी लोकगीत
- हिमाचली लोकगीत
परगट ह्वै जान, परगट ह्वै जान,
परगट ह्वै जान, पाँच भाई पंडऊं<ref>पांडव</ref>।
परगट ह्वै जान कोन्ती माता,
परगट ह्वै जान राणी द्रोपता।
कोन्ती माता होली पंडौं की माता,
नंगों कू बस्तर देंदी, भूकों को अन्न।
नंगों देखीक वस्त्र नी लांदी,
भूकों देखीक खाणू नी खाँदी।
कोन्ती माता होली धर्म्याली माता,
बार बरस तैं करदी रै दुर्बासा की सेवा
तब रिषि दुर्बासा परसन्न ह्वैन,
कोन्तीं माता तैं पुत्र बरदान दीने!
तेरा पाँच पुत्र होला छेतरी<ref>क्षत्रिय</ref> माल<ref>मल्ल, योद्धा</ref>,
काटीक नी कटोन मारीक नी करोन।
तब पाँच मंत्र रिषीन दीन्या,
रण लैगे कोन्ती तब मैत<ref>मायका</ref> घर।
एक दिन धर्म्याली तीर्थ नहेन्दी,
सूरज तैं वा पाणी चढ़ौंदी।
मंत्र जाप करे तब वीन-
प्रभु की लीला छई, कर्ण पैदा ह्वैगे!
बार वर्ष पढ़े मातान धर्म मंत्र,
धर्म मंत्र पढ़ीक ह्वै गैन धर्मराज!
बार वर्ष पढ़े मातान वायु मंत्र,
पैदा ह्वैन तब बली भीमसण!
बार वर्ष करे मातान इन्द्र को जाप,
पैदा ह्वै गैन हाँ जी, अजुन धनुर्धारी!
तब बार वर्ष पढ़े मातान पाँडु मंत्र,
त पैदा ह्वैन नकुल कुँवर!
बार वर्ष पढ़े माता ने ब्रह्म मंत्र,
पढ़ीक कनो ह्वैगे सहदेव ब्रह्म!
पाँच पुत्र पंडौ छा कुन्ती का,
धरती की शोभा छया, देवतौं माण्याँ!
धर्मराज युधिष्ठर होला धर्म का ज्ञानी,
जौन गरीब नी संतायो, बुरो नी मप्यायो!
बंध्या रैन जु धर्म की डोरी,
धर्मराज होला सत का पुजारी!
अरजुन राजा होलू बीर भारी,
कृष्ण सारथी जैका रैन!
वैका बाण बैरियों का काल,
वैको गुस्सा जिन्दड़ी<ref>जिन्दगी</ref> को ज्यान<ref>प्राण, जाने वाला</ref>!
कनो होलो स्यो वीर विभीषण<ref>भीम</ref>,
सौ मण की गदा होली नौ मन की ढाल!
आगी को खेलाड़ी होलो बीर,
ऐड़ी हत्यारी<ref>हथियार</ref> को पैरवारी<ref>पहनने वाला</ref>!
जंगल जंगल भाबर<ref>घाटी, गर्म प्रदेश</ref>, भाबर-
होईन बीरु, तुमूक प्यारा।
बार मास रये, बणवासी जोगी,
कंद-मूल खैक, दिन बितैन।
दुरजोधन छयो, कौरव राजा,
हस्तिनापुर को राज, पंडौं नी देन्दू।
लोरा-छापर-सी, तब पंडोऊँ,
बणू-बणू रीड़दा छा, लूकी-लूकीक।
ऊँक तैं धाम नी छौ, नी छौ पाणी,
पेट की नी छै, रुड़ी<ref>गर्मी</ref> सी बणाँग,
भूक नी छै, तीस ऊँकू।
