भारत की संस्कृति के लिए... भाषा की उन्नति के लिए... साहित्य के प्रसार के लिए
पिया जेठोॅ के लू / ऋतुरंग / अमरेन्द्र
Kavita Kosh से
पिया जेठोॅ के लू
जानोॅ लेॅ बनलोॅ छै सौतिन यहू
पिया जेठोॅ के लू।
हेना तेॅ गमगम छै बारी-फुलबारी
महुआ के, कटहल के, आमोॅ के ठारी
हमरा लेॅ कस्से सब जेना कहू
पिया जेठोॅ के लू।
दिन तेॅ घड़ियाले रङ निगलै लेॅ लपकै
छाँही भी छकछक करेजोॅ तक हपकै
रात लगै रेतोॅ पर कतला-रहू
पिया जेठोॅ के लू।
तहूँ नै जइयोॅ नै हम्मी ही जैवै
नद्दी में जायकेॅ नै आबेॅ नहैवै
ऐंगनै में पोखरी खनाय नी दहू
पिया जेठोॅ के लू।
-16.5.98
