भारत की संस्कृति के लिए... भाषा की उन्नति के लिए... साहित्य के प्रसार के लिए
पिया पावस पड़ै / ऋतुरंग / अमरेन्द्र
Kavita Kosh से
पिया पावस पड़ै।
सुइया के नोकनी रङ खुचखुच गड़ै
पिया पावस पड़ै।
साँपे रङ ससरै छै सरसर ई पुरवा
सौंसे ठो आंगोॅ पर रही-रही चढ़ै
पिया पावस पड़ै।
ओलती सें टप-टप की चूबै छै बुन्नी
तोहरोॅ बिन लागै जों लुत्ती झड़ै
पिया पावस पड़ै।
हमरासें नै होल्हौं टाली-रखवारी
पहले टा पानी में अटिया सड़ै
पिया पावस पड़ै।
के रहतौं तोहरोॅ बिन लागै हवांके
मैयैं अटारी आ जोगतौ मड़ै
पिया पावस पड़ै।
-3.9.95
