भारत की संस्कृति के लिए... भाषा की उन्नति के लिए... साहित्य के प्रसार के लिए
पिया पावस सताय / ऋतुरंग / अमरेन्द्र
Kavita Kosh से
पिया पावस सताय।
हमरा अकेलो-असकल्ली बुझी
घरे एकदम ढुकी जाय।
कस्सै छी साड़ी के कोची जों हम्में
बन्द करौं खिड़की-किबाड़ी जों हम्में
बाहर सें साँढ़े रङ ढकरै कसाय
पिया पावस सताय।
सुतला पर कानोॅ में गरजो जगावै
चोरबत्ती आंखोॅ पर बारी चोंधियावै
देखलौं ने हेनोॅ छिन्हारोॅ-हरजाय
पिया पावस सताय।
बन्द करौं खिड़की तेॅ ऐंगना सें झाँकै
छपरी-केबाड़ी के फांकोॅ सें ताकै
की जान्हौं तोड़ी परछत्ती ढुकी जाय
पिया पावस सताय।
-27.9.95
