पुरुबा के अबलन एक गो मोसाफिर से / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

पुरुबा के अबलन<ref>आये</ref> एक गो<ref>एक</ref> मोसाफिर से, बइठी गेलन हमरो अँगना, रे गोरिया।
कउन तूँ हहु<ref>हो</ref> सुन्नर, कहमाँ तूँ जाहु<ref>जाओ</ref> से, केकर तूँ खोजहूँ मकनमा, रे गोरिया॥1॥
हम हिओ<ref>हूँ</ref> तोहर सरहज, बारे ननदोसिया से, करि दहु<ref>कर दो</ref> ननद के गमनमा, रे गोरिया।
हमर ननद हथिन<ref>है</ref> बारी सुकमरिया<ref>कम उम्र की और सुकुमारी</ref> से, कइसे करियो तोहरो गमनमा रे गोरिया॥2॥
रहु रहु मोरा ननदोसिया पहुनमा से, होवे दहु ननद जुवनिया<ref>युवती, जवान</ref> रे गोरिया।
करि देबो तोरा ननदोसिया गबनमा से, होवे दहु छतिया नवरँगिया<ref>नारंगी सदृश</ref> रे गोरिया॥3॥
आवे दहु, आवे दहु मास रे फगुनमा से, करि देबो तोहरो गमनमा, रे गोरिया।
एकारसी<ref>एकादशी, तिथि</ref> अइहऽ<ref>आना</ref> ननदोसिया जे हमरा से, दोआरसी<ref>द्वादशी</ref> के करब मरजदबा<ref>कन्या के यहाँ बरात पहुँचने के दूसरे दिन। उस दिन बरात वहीं रुक जाती है और तीसरे दिन वहाँ से विदा होती है</ref> रे गोरिया।
तेरोदसी<ref>त्रयोदाशी</ref> के करबो बिदइया<ref>विदाई</ref> रे गोरिया॥4॥
एक कोस गेलइ डारी<ref>पालकी</ref> दोसर कोस गेलइ से, तेसरे<ref>तीसरे</ref> डँड़िया पइसी<ref>प्रवेश करके</ref> पूछे एक बतिया<ref>बात</ref> रे गोरिया।
बघिया<ref>बाग</ref> में डँड़िया के भेलइ दुपहरिया<ref>दोपहर</ref> से, रसे रसे गरमी गँवावहु<ref>बिताओ</ref> रे गोरिया॥5॥

शब्दार्थ

<references/>