पैले थियो घाम-छाया दुवै सराबरी / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » दुई हरफ ओठहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पहाड

पैले थियो घाम-छाया दुवै सराबरी
दिनसँग रात साँट्थ्यो माया बराबरी
काला काला रात लामा हिउँपानीको दर्को
दाहिने तान्छु, देब्रे छोटो घाम-जुनको बर्को

सुख भन्नु कति छ र दु:खैको छ याम
कहिले लाग्छ दु:खै हो कि जिन्दगीको नाम
ऋतुले नै बिर्सेपछि आउने-जाने बाटो
तुषारोको चोट कहिले बस्छ होला खाटो

दुख्यो होला पाइलाभरि पत्थरका घाउ
चोइटियो कि बग्दाबग्दै गुलाफका पाउ
छेवैबाट झरेपछि चाहनाको खोला
जिन्दगीको नयाँ भाका कहाँ खोज्नु होला !