भारत की संस्कृति के लिए... भाषा की उन्नति के लिए... साहित्य के प्रसार के लिए
पै‘लापै‘ल (3) / सत्यप्रकाश जोशी
Kavita Kosh से
आज थारै म्हारै परसेवा में
कोई भेद कोनी,
माठ कोनी।
थनै म्हारी पलकां सूं
बाव ढुळाऊं
तौ म्हारौ पसीनौ तौ आप ई सूख जावै।
पण पै‘लापै‘ल
हेम रै उनमांन
थारा ठाडा दरस सूं
म्हारा पसीना में जांणै आदण लाग्यौ।
थूं पीताबंर सूं
म्हनैं बाव करतौ ई गियौ
अर म्हारौ पसीनौ
नैणां-नैणां, पलकां-पलकां
अर रूं-रूं सूं
उफणतो ई गियौ।
