भारत की संस्कृति के लिए... भाषा की उन्नति के लिए... साहित्य के प्रसार के लिए
पोथी बा ब्रह्म री / प्रमोद कुमार शर्मा
Kavita Kosh से
मून स्यूं उठती भाप स्यूं भरी
बा पोथी है ब्रह्म रै तेज री!
एक छोटी सी बच्ची री पीठ पर
नींद स्यूं भरयौ बस्तौ लादणौ मूर्खता है
क्यों कै सब्द पढ़णै री लकब
आपां गमा दिनी जीवण पढ़णै मांय!
एक छोटी सी छोरी स्यूं आपां सीख सकां
कीं सब्द अर वां री अरथ भरी गळियां
वा जद ई कीं कैवै
बीं रै होठां लारै लुक्योड़ी हुवै
जीवन री बारहखड़ी!
